《صمون بالجبن والأعشاب》
اللي ماعنده عجانه يعتمد هالطريقة .. والعجينه غير انها قططططنية .. فمقاديرها بسيطه ومافيها تكلف ابدا وتقدرون تشكلونها على كيفكم باي شكل وتنفع لكل الفطاير والمعجنات
#لذيذة_لذاذة_اللذوذين_كلهم😋👌 #فطاير_كلحه
◾مقادير العجينه:
- كيلو طحين .. استخدمته كله بس اللهم خليت حوالي نص كوب علشان انثره وافرد عجينتي
- ٦٠٠ مل ماء دافيء (بالكوب القياسي)
- ٢ ملعقه كبيرة خميرة فورية
- ٢ م.ك سكر
- نص م.ص ملح
- ثلث كوب زيت زيتون
- 🔸️اعشاب جافه (زعتر روزماري واوريجانو)
طريقة التحضير
🔹️واضحه بالفيديو بدأت بخلط كل شي ماعدا الطحين وصرت انزل الطحين شوي شوي واخلط بالخفاقه جق جق جق
🔹️لمن تماسكت صرت اعجن باليد .. العجينه تلزق باليد وااايد بس عادي كملوا شغلكم ولا تزيدو طحين .. ممكن ترشون رشة طحين تساعدكم عالشغل
🔹️اكمل عجنها عالطاوله واحطها بطبق مدهون زيت واهليها تختمر ساعه الى ساعه ونص بمكان مظلم و رطب
🔹️واما التشكيل والحشوة على كيفكم .. وانا للوجه مادهنتها بيض ولا حليب .. اكتفيت بخليط زيت زيتون وملح واعشاب جافه وكل واحد وكيفه .. وبالعافية 😊👌🏻
⚘اذا اتممت القراءة اكرمنا بتشجيعك ليصلك كل جديد ⚘
#فطاير_كلحه #٢٠١٨_كلحه
