《صفيحة لحم》
بكتب لكم طريقتي بالصفايح وكل واحد بكيفه يزيد او ينقص على راحتكم اكيد ⚘
المقادير
◾المقادير للعجينه:
- ٤ اكواب طحين متعدد الاستعمالات
- ملعقه كبيرة سكر
- ٢ م.ص مليانه خميرة فورية
- ربع كوب زيت نباتي
- كوب وثلاث ارباع ماء دافيء
◾مقادير حشوة اللحم:
- اشتريت طبق لحم عجل صافي كان مكتوب عليه الوزن ٦٠٠ جرام (فرم ناعم)
- اضفت عليه حبتين بصل مبشور
- حبتين طماطم مبشور
- ضمة بقدونس
- ملعقه دبس رمان
- عصير ليمون
- ربع كوب ماء
- ربع كوب زيت زيتون
- ملعقه معجون طماطم كبيرة
- ملح وفلفل اسود وبابريكا حسب الرغبة
◾خليط التلميع: صفار بيضه مع ملعقه كبيرة كريمه سائله وبس
طريقة التحضير
🔹️بالنسبه للعجينه .. نضيف كل المقادير ماعدا الماء .. ونشغل العجانه ونبدا نضيف الماء بالكامل ونخليها تنعجن خمس دقائق على الاقل
🔹️وكالعادة نحطها بطبق مدهون زيت ونغطيها بنايلون ونحطها في مكان مظلم ودافيء ساعه تختمر ونبدا نكورها ونحشيها على كيفنا
◾طريقة التشكيل: عملت التقليدي الطويل وعملت المدور .. كنت شفته باحد الحسابات وعجبني شكله 👌🏻
🔹️ندخل الصفايح فرن محمي مسبقا على اعلى درجه ٢٥٠ من تحت فقط … والصينية بوسط الفرن
🔹️بس نحس بدأ يتغير لونه من تحت .. نشعل فوق مع تحت لغاية مايتحمر بالكامل
🔹️اول ماطلعتهم دهنتهم زبدة ذايبه .. يعطيهم لون ولمعه جمالية وهمن يعطي طعم مميز وبالعافية 😊👌🏻
