《رز بحليب ولا رز بلبن》🤔
مع انه جدا سهل .. بس قليل اسويه وكثير يسألوني عنه 🤷🏻♂️
السكر جدااا قليل بالوصفه .. انا احبه قليل واحط عالوجه عسل 🍯😋
عموما هو طبق سهل وسريع و #لذيذة_لذاذة_اللذوذين_كلهم😋👌
المقادير
- نص كوب رز مصري
- ٢ كوب ماء لسلق الرز
- لتر حليب سائل
- نص كوب سكر .. وبيطلع خفيف ترى .. زيدو لو تحبوه احلى
- ١ م.ك من ماء الزهر (ماركة المونه)
- مطيبات حسب الرغبه .. فانيليا او مستكه
- ٢ م.ك كبيرة نشا
- ربع كوب ماء بارد لتذويب النشا
طريقة التحضير
🔹️نسلق الرز بالماء على نار (متوسطه) لما الرز يشرب كلللل الماء ويستوي ونخليه على جنب
🔹️نضيف الحليب والسكر
🔹️بس يغلي نضيف المطيبات
🔹️على جنب النشا بالماء ونضيفهم فوق الحليب الساخن ونحرك بسرعه اثناء اضافة هالخليط
🔹️نرفع شعلة النار .. ونضيف الرز المستوي ونستمر بالتحريك على نار عالية لما يثقل الخليط .. بس شوفوا قوامه بالفيديو .. ثقيل بس مايل للسيوله .. لاتخلونه ثقيييييل
🔹️نصب الخليط باباطباق ويترك يبرد تماما قبل الثلاجه
🔹️و بس يبرد شوي ندخلهم الثلاجه عدة ساعات ونزينهم حسب الرغبة وبالعافية 😊👌🏻
#محمد_الكلحه #رز_الحليب_كلحه #حلويات_كلحه #لذيذة_لذاذة_اللذوذين_كلهم😋👌
