أحدث الوصفاتالاطباق الرئيسية

《حاشية الجزر》

47694596 1362237130585834 3799161554388012084 n

.
لمن طلب الوصفه بالفيديو .. الرز مافيه روح تعال .. يعتبر وصفه مكمله .. بس ممكن نخليها غنية اكثر بالاضافات والاكسسوارات 💅🏻😌
.
🔹️رز بسمتي مغسول ومنقوع .. وبالقدر قلبت شوية خضار مثلجه ذايبين (جزر وبازيلا) واللي قال امس مانحب المثلج فالطازج طبعا افضل ويحتاج وقت اطول بالتقليب
.
اضفت عليهم رشة ملح وفلفل وكركم ومكعب مرق دجاج واذا عندكم ماء سلق دجاج ممكن استخدامه وخلطه بالماء العادي علشان الرز لايطلع دسم وايد
.
المهم .. بس نضجوا نزلت الرز وقلبتهم تقليبتين وصبيت ماء فوق مستوى الرز بسانتي وعلى نار عالية وبعد الغليان .. وبس يشرب الرز معظم الماء غطيتهم نص ساعه على نار هاااادية وتحت القدر حديدة .. واللي طلب يشوف الحديدة مبينه بالفيديو 😅
.
وسلامتكم يطلع العيش نثري وممتاز … نحط بالاعتبار اذا نقعنا الرز مدة قصيرة بالتالي نزيد الماي على الرز شي بسيط .
◾《حاشية الجزر》 احبها جدا مع الرز الشرقي واللي بالخلطه .. تعطي منظر عالسفرة هذا غير طعمها 😋
. 🔹️هي مجرد شرايح جزر قلبته مع زبدة بالمقلاه على النار لحين ما يصير طري ويستوي مع رشة ملح وفلفل ابيض
.
#وصفات_كلحه #محمد_الكلحه
.

 

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى