《تارت تشيز كيك الزعفران》
.
الوصفه رائعه وتعتبر سهله و #لذيذة_لذاذة_اللذوذين_كلهم😋👌
.
صحيح فيها خطوات لكنها سهلة التطبيق .. بكتبها لكم واللي يحب يشوف التطبيق ويسمع النصايح يشوف الحلقه عاليوتيوب .. رابط الحلقه صار بصفحتي .. اضغطوا عليه 🤗
.
#تشيز_كيك_كلحه #تشيز_زعفران_كلحه #حلويات_كلحه
.
◾للقاعدة نحتاج:
.
🔹️قالب زبدة طرية ١٠٠ جرام (نص كوب)
🔹️ربع كوب سكر
🔹️صفار بيضه وحده
🔹️١ م.ص فانيلا سائلة
🔹️رشة ملح
🔹️كوب طحين ابيض
.
🔸️نبدأ بخفق الزبدة والسكر دقيقتين بالملعقه او بالمكينه بمضرب التقليب
.
🔸️نضيف صفار البيض والفانيلا ونخلططط وبالاخر نضيف الطحين ونعجنها شوي .. نكور العجينه ونبدا بفردها بقاع القالب ونساوي السطح
.
🔸️ندخلها فرن محمي مسبقا عشر دقائق فقطط واذا الوجه محتاج تحمير نشعل عليها من فوق دقيقتين بسس
.
🔸️نطلعها ونشربها شوي من هالخليط وتصير جاهزة
🔹️١ م.ص ماء ورد
🔹️ربع كوب حليب
.
◾لخليط التشيز نحتاج:
.
🔹️٨٠٠ جرام جبن كريمي
🔹️كوب ونص سكر
🔹️٤ حبات بيض
🔹️علبة كريمه حامضه حوالي ثلاث ارباع كوب
🔹️١ م.ك طحين
🔹️خيوط زعفران
🔹️١ م.ص فانيلا سائلة
🔹️ربع كوب حليب
.
🔹نبدأ بخفق الجبن والسكر حتی يتجانسو .. لاتبالغو بالخفق
🔹نضيف البيض والفانيلا بالتدريج .. وحده تنخلط .. نضيف الثانيه وهكذا .. وقفو خلط مباشرة
🔹نضيف الكريمه الحامضه ونخفق لمده ثوااني
وبالاخر نضيف الطحين والحليب المذوب فيه خيوط الزعفران
.
🔹ونصبه بالقالب فوق طبقة التارت المجهز مسبقا ونكون غلفنا القالب بالقصدير طبقتين او ثلاثه افضل حتى اني حطيت طبقة نايلون تحت القصدير زيادة اطمئنان
🔹نحط القالب داخل صينية اكبر ونصب بالصينية الكبيرة ماء بعمق انش
.
وندخله الفرن المحمي مسبقا بالوسط من تحت فقط
.
🔹حوالي ساعه علی حرارة 180 او رقم 3 .. بس تستوي نطفي الفرن .. ونخليها تبرد بالفرن واهو مطفي ساعه .. وبعدها نطلعها وندخلها الثلاجه عالاقل 4 ساعات او طول الليل احسن
.
🔹يتم تزيينها قبل التقديم بساعه .. انا حطيت كريمه خفق وسلة السكر وكم حبة قطايف ميني وفاكهة الحرنكش وبالعافية 😊👌🏻
.
.
#رمضان_كلحه_٢٠١٨
