أحدث الوصفاتالحلويات

《بسكوت بالتمر – المقروطه》

25024673 265539663975810 8511981326419623936 n.jpg? nc ht=scontent hel2 1.cdninstagram

《بسكوت بالتمر – المقروطه》

الكثير طلبها .. ومن فترة سويتها وماعجبتني ورجعت اعدتها وغيرت فيها شوي وصارت #لذيذة_لذاذة_اللذوذين_كلهم😋👌

◾المقادير باستخدام اكواب قياسية:

  • ٢ كوب طحين ابيض متعدد الاستعمالات
  • نص كوب سكر بودرة
  • نصف م.ص باكنغ باودر
  • بيضة صغيرة واذا وايد كبيرة اخفقوها واخذو نصها
  • رشة بهار معمول (خليط يانسون وحبة حلوة) وممكن اضافة المحلب ان وجد
  • واحد م.ك ممسوحه حليب بودرة
  • ٦٠ جرام زبدة – يعني شايفين اصبع الزبدة اخذو اكثر من نصه بشوي
  • كوب ماء مخلوط ماء ورد وماء عادي .. انا حطيت ربع الكوب ماء ورد وكملت الكوب بماء عادي

🚩 ملحوظه مهمه .. ترى ممكن احتاج كل كمية السوائل ويمكن اقل او اكثر .. يبين معاكم .. الحين افهمكم بالطريقه تحت

◾بالنسبه للتمر عندي علبة معجون كيلو .. اخذت نصها يعني نص كيلو وعجنتها باليد مع بهار معمول (يانسون وحبة حلوة) وفوقهم ستين جرام زبدة طرية .. وعلى فكرة ضرووووورية الزبدة .. وإلا بتفشل وتنشف الحشوة

#مقروطة_كلحه #حلويات_كلحه #معمول_كلحه

طريقة التحضير

🔹️نخلط الطحين والسكر والحليب البودرة والباكنغ باودر والبهار باليد جق جق جق
🔹️نضيف البيض و الزبدة ونفرك ونعجن باليد جق جق جق
🔹️نضيف السوائل (الماء الورد والماء العادي) ونعجن جيدا جق جق جق

🚩بالنسبه للسوائل .. ضيفو ثلاث ارباع الكوب واعجنوا وشوفوا قوام العجينه اذا صارت ملسا وطرية وقابلة للتشكيل وقفوووو واذا ناشفه زيدو ماي لمن تصير اوكي ممكن تاخذ اكثر من كوب على حسب

🔹️نكورها .. و نغطيها ولااازم نتركها ترتاح عشر دقايق او ربع ساعه

🔹️بعدين نبدأ نفردها .. وممكن نرش طحين بس لاتكثرووون علشان لاتنشف .. افردوها بسماكه نص سانتي

🔹️حطوا التمر ولفوها وسكر الاطراف باصابعكم .. وقطعوها على كيفكم .. وادهنو وجهها ببياض البيض وغمسوها بالسمسم نيء او محمص .. وعالفرن

🔹️اشعلو بس من تحت حمروها على حرارة ١٨٠ .. يمكن تاخذ ربع ساعه او اكثر .. وبعدين اطفئو تحت واشعلوا فوق تشقر شوي وبالعافية 😊👌🏻

#٢٠١٨_كلحه #وصفات_عيد_الكلحه #عيد_الكلحه

 

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى