《السميت التركي》
.
من اكثر الوصفات اللي تم تطبيقها من حسابي .. حبيت اقدمها لكل متابعين مجلتي الجدد ⚘ تستحق لانها #لذيذة_لذاذة_اللذوذين_كلهم😋👌
.
◾المقادير بالأكواب القياسية:
.
🔸️2 م.ك سكر
🔸️ملعقه كبيرة مليانه خميرة
🔸️1 م.ص ملح
🔸️كوب ماء دافيء
🔸️نص كوب حليب سائل
🔸️نص كوب زيت
🔸️4 اكواب طحين استخدمت طحين المطاحن
.
◾للتغطية:
.
🔸️2 م.ك دبس تمر او عنب + ربع كوب ماء + بياض بيضة وحده نخلطهم ونحطهم بطبق
.
🔸️كوب او اكثر سمسم محمص للتغميس
.
.
◾الطريقة:
.
🔹️بالعجانه نحط السكر والخميرة والماء والزيت والحليب ونخلطهم بالخفاقه اليدوية تررررررررر
.
🔹️نضيف الملح ونخلط ترررررررر
.
🔹️نشغل المكينه ونضيف كوبين طحين طق طق طق لمن يتجانس الخليط
.
🔹️نضيف باقي الاكواب ونكمل عجن طق طق طق عالاقل ثلاث اربع دقايق والعجينه تتماسك
.
🔹️نطلعها ونكمل عجنها باليد دقيقتين .. ونحطها بطبق مدهون زين ونغطيها بنايلون ونخليها تختمر بمكان دافي ساعه
.
🔹️بعد الساعه .. نطلعها وبس يادوبك نسويها بشكل اسطواني ونقطعها كرات متساوية الحجم حسب الرغبه
.
🔹️ملحوظه .. لاتعجنوها او تخبصوها بايدكم .. بس خلوها بشكل طولي و قطعوها
.
🔹️تشكيل السميت مبين بالفيديو .. ونغميها بخليط الدبس وعقب بالسمسم ونصفهم بصينية عليها ورق زبده
.
🔹️ندخلهم فرن محمي مسبقا 200 درجه من فوق وتحت … الصينية بالوسط .. وخلو فوق عالهادي شوي
.
🔹️يمكن عشر دقايق وتكون جاهزة وبألف عافية 😊👌🏻
.
.
