《الباييلا تشيكن سي فود》
.
نطق الباييلا باسبانيا يكون باييا .. بس للسهوله وباللغه العربية نقولها باييلا .. المهم ماعلينا
.
هذي كانت وصفتي بحلقة اليوم ببرنامج سفرتنا
.
الوصفه شعبية تعتبر وعادي تلاقون فيها دجاج مع سمك ومحار واحيانا لحم .. هي اصلا الوصفه كانت تعتمد على بقايا الرز واللحوم الزايدة .. يسوون منها الفقراء وصفه مفيدة والحين تطورت طبعا وماعادت بقايا اكل بس الاسم باقي للحين
.
بقدمها لكم بطريقة منزلية كلاسيك و #لذيذة_لذاذة_اللذوذين_كلهم😋👌
.
◾الطريقه والمكونات عالنظر:
.
🔸️صدور دجاج مكعبات .. قلبتهم بالقليل من زيت الزيتون .. يادوبك شوحتهم شوي ورفعتهم على جنب
.
🔸️بنفس المقلى زودت زيت زيتون ونزلت بصل وفلفل احمر بارد وشرايح ثوم وقلبت الجميع جيدا لمن ذبلوا وطلعت ريحتهم 😍
.
🔸️اضفت ملح وفلفل اسود .. يساعد الخليط يذبل
.
🔸️اضفت طماطم فرم خشن (ممكن نستخدم المعلب وممكن نقشر الطماط)
.
🔸️وبعدين رجعت الدجاج ونزلت الرز (استخدمت رز مصري صنوايت بدون غسيل لانه نظيف وممكن نغسله مرة وحده) وقلبت الرز مع باقي الخليط
.
🔸️اضفت بابريكا مدخنه وزعفران وهالمكونين مهمين للطعم
.
🔸️صبيت ماء مذوب فيه مكعب خضار (ممكن نستخدم ماء سلق دجاج او مرق سي فود وهالشي يعتمد عالذوق وعلى مكونات الطبق)
.
🔸️خليته على نار هااااادية ربع ساعه بدون تحريك
.
🔸️بعد ربع ساعه اضفت شوية خضار مشكله (كنية بسيطه للمنظر مو اكثر بازيلا على ذرة على جزر) واضفت الربيان والمحار (الربيان نيء وخليت الذيل والمحار اشتريته من سلطان مثلج ونظيف)
.
🔸️غطيت القدر وخليته حوالي عشر دقايق يتسبك بالبخار والربيان والمحار يستوي (لاتخافون بيستوي كل شي)
.
🔸️فتحت الغطا وصفيت شرايح الليمون وبالعافية 😊👌🏻
.
#باييلا_كلحه #وصفات_كلحه #محمد_الكلحه
.
.
.
