يخنة فووووول 😋🤩 هذي الطبخه اللي كانت امي تسويها اذا حبت تفاجئني لما ارجع من الجامعه بالاجازة💔😋
تسلم ايد اللي طبخت 🙋🏼♀️ ام ليون
وايدي اللي صورت 🙋🏻♂️
كيف طريقتكم بمرق او يخنة الفول على ايدامه؟؟
انا وام ليون طريقتنا وحده
🔹المقادير كمياتها اختياريه .. أول شي الافضل استخدام جدر الضغط لانه يوفر وقت كبييير
ولازم غسل وتنظيف الفول من العروق وتقطيعه بحيث كل قرن فول يقطع ثلاث اقسام او قطع
🔹نبدأ بسلق اللحم الموزات أو أي جزء تحبونه .. نقلبها ونحمرها مع بصله صحيحه ورشة بهار لحم ونرفع اللحم على جنب
🔹بقدر الضغط نحمس أو نقلب بصل مفروم ناعم بزيت نباتي مخلوط بزيت زيتون وبعدين ننزل عليه الفول الاخضر ونقلبهم لييييين يذبلون مو اقل من عشر دقايق مع التحريك ونحط عليهم راس ثوم مدقوق وربطة كزبرة خضرا مفرومه وملح وفلفل اسود وشوي كمون ونقلبهم
🔹ننزل اللحم وماء بحيث نعبي القدر ونغطي القدر الضغط وتضغطينهم حوالي اربعين دقيقه وبالعافيه😊👌
