مندي دجاج بالفرن
طبعاً تحتاج اي وصفة؟؟ كل اللي عليك تسال قوقل وراح يطلع لك اكثر من ڤيديو وطريقة للوصفة مثل ما انا سويت👌🏼✨😌
طبعاً من الذ وأسهل الطرق لمندي الدجاج بالبيت🔥👌🏼
الطريقة🙋🏻♂️💙
اول شيء نتبل الدجاجة بـ ملعقة صغيره ملح ومثلها فلفل اسود و رشه بسيطه من بودره الزعفران وإذا ما عندكم ممكن كركم👌🏼✨
وبس كذا ونخلي الدجاج على جنب😌
نسوي كشنة بصل
عبارة عن بصله مقطعة🧅 و ثلاث فصوص ثوم 🧄وفلفل حار حسب الرغبة🌶
وبهارات صحيحة: حبه لومي و خمس حبات هيل وعود قرفة وخمس حبات قرنفل(مسمار) و ورقتين غار✨
ونحمسهم على نار بزيت او سمن 🔥
وبس كذا كشنة البصل الجاهزة 👌🏼
في صينية فرن…
حطيت ثلاثه أكواب رز بسمتي✨🍚
وملعقة كبيره ملح✨
وكشنة البصل والبهارات اللي سويتها اول شيء🔥✨
وماء لكل كوب رز كوبين ماء💧
واقفل الصينية بقصدير👌🏼
واخرم القصدير بسكين او عود أسنان 👌🏼
واحط فوق القصدير الدجاجة اللي تبلتها اول شيء✨
وبس كذاا
وعلى الفرن من تحت اعلى شيء وتكون الصينية بوسط الفرن 🔥🔥 لمده ساعة👌🏼⏱
وآخر شيء اشغل الفرن من فوق تتحمر الدجاج👌🏼🔥
اخر شيء أخذ صحن صغير زيت واحط فيه فحمه مولعة👌🏼🔥 واقفل عليهم بالكامل لمده 5دقايق⏱ ذي الحركة تعطي نكهه فنااانه👌🏼🤩
وبس كذا يكون جاهز نقدمه مع سلطات ✨🥗
وبس كذااا🙋🏻♂️✨🤩
وبالعاااافييية👌🏼🔥🍚💙🍗
