مكعبات الدجاج بالموزاريلا نزلت طريقها قبل و دحين لعيون الي طلبو الطريقه 😻✨
سهله و سريعه و لذيذه 🙄👅
اول شي نجيب صدر دجاج و نقطعو مكعبات متوسطه و نسوي فتحه بالسكين ، السكين لازم يكون حاد و نحيف🗡
و ندخل جوت الفتحه جبنه موزاريلا ” الجبنه طبعاً تكون مستطيله و نحيفه 🙄..
و نتبل الدجاج بملح و بابريكا و توابل الدجاج و تشلي باودر اذا تبغوه سبايسي 🌶✨
نجي للتغطيه : نكسر بيضتين و نصب عليها حليب سائل و رشه ملح ..
و البقسمات نخلطو مع كورن فليكس عشاان يكون مقرمش و ملح و بابريكا و تشيلي باودر 😻😩🌶..
اول شي حنغمس الدجاج في البيض بعدين في البقسمات و نرجع تاني نغمسو في البيض بعدين البقسمات 🙇🏻
يعني طبقتين ،، ليش ؟ عشان الجبنه لا تطلع وقت القلي و نحوس الدنيا 😸💔
المهم نجيب تاوه و نذوب فيها نص اصبع زبده و نص كاسه زيت و نستناه الين يصير حااااررر🔥🔥 عشان اذا حطينا الدجاج و الزيت لسا ما سخن بيتشرب الدجاج الزيت كلو ويصيرر دسسسم بزياده 🤒💔
و نقلبهم من الجهتين تقريبا من ١٠-١٥ دقيقه على نار هادئه و بسس 😻👏🏻
انا احب اقدمها مع صوص الباربيكيو و الاسموكي صوص🔥🙀❤️
هل الفيديو لا يعمل؟ إضغط هنا
