فيها اختلاف بسيط عن مضروبتنا البحرينية المتعارف عليها
تعتمد على كل الخضار الورقية ( الاعشاب)
جربوها وعطوني رايكم جداً حبيناها 👌
اسخن الزيت واضيف حبة بصل مع فلفل اخضر حار اختياري
بعد مايشقر البصل اضيف فص ثوم مع فلفل بارد مقطع
بعدها اضيف كل انواع الاعشاب : بصل اخضر وكزبرة
وبقدونس وورق سلق وشبنت
بعد مايتغير لون الخضار اضيف البهارات حسب الرغبة
بهار مخلوط وكمون وشوي كركم وفلفل احمر مع حبة
ليمون اسود صحيح اختياريه بعدها اضيف
ملعقة معجون طماطم واضيف ملعقة دبس الرمان
اخر شي اضيف الماء والملح حسب الرغبة
اضيف صدرين دجاج ٥٠٠ جم او نص دجاجه بالعظم
اغطي القدر يطبخ ١٥ دقيقه بعدها اضيف الارز
اتركه يطبخ على نار هادية نص ساعة بعدها
اعصر الليمون واشيلها واضرب المضروبة واقدمها
مع زبدة او سمنة حسب رغبتكم وبالعافية
النباتيين / ممكن تلغون الدجاج بس استبدلوه بخضار اكثر
واستخدمو معاها مرق خضار عضوي او ماجي صحي
