من الحين اقولكم لان ادري بيطلع البعض بيقول جذي وموجذي 😂😂
المهم اللي بتكتب طريقتها تكتبها .
الخضار سلق كراث بقدونس كرفس كزبرا شبينت
بصل اخضر اللي يبي يحط اذا بتحطون سبانخ كيفكم حلبه اخر شي تنحط.
اي شي ما تبونه الغوه
تبونها حمرا او نفس اللون كيفكم يصير .
حمست الخضرا لين نشفت من الماي
سبقت اللحم حطيته سلقت الفاصوليا انا احط فاصوليا حمرا .
فيه ناس يحطون لوبا. حسب اللي تحبون.
لكن الصح فاصوليا حمرا.
حطيت اللحم الفاصوليا وحمست لومي اسود المدور حطيت.
قطعة صغيره من الصبار.
اليهارات كركم لومي لسود شوي بهار مشكل نقطه اصلا ما احتاج بهار.
ملح.
طماط فرش حطيت شوي .
تبون معجون تبونها حمرا كيفكم حبايبي حسب اللي تحبون.
اخر شي زيت اورجانيك طبعا تحتاج زيت اكثر لكن انا احط شوي .
وخليتها تطبخ نص ساعه ساعه الاربع لين الزيت يصعد فوق. ..
وسويت عيش مشخول. وحطيت فوقه الزريشك.
طبعا الشكل النهائي ما يحتاج عيش مفچچ ومرقة متجانسه.
الطعم روعه .
وبالعافيه.
