مساكم الله بالخير اخواني المتابعين يامرحبا فيكم اليوم جبتلكم طبخة من امي موزه الله يرحمها مجبوس دجاج على البرغل وتصير على الجريش المنهنه طبخه فاخره من اسرار بيتنا الذهبيه من مدرسة بيت الطبابيخ اطبخها وعيني تدمع على ذكرا من علمني هذي المهنه حتى صرت طباخ مبتدأ المكونات ست كاسات برغل مغسول ثلاث دجاجات بصل مفروم معجون طماط وطماط مفروم وبهارات صحيحه مسمار هيل ورق غار ودارسين وكزبر عدل وفلفل اسود حمست البهارات مع البصل بالسمن نزلت عليهم ماي وملح ونزلت الدجاج ساعه رفعت الدجاج وبهرت بطنه وربطت رجوله ورشيته بالزعفران والهيل وقليته بالدهن حمست الجدر مره ثانيه بالبصل والطماط والمعجون والسمن ولبهارات الناعمه ونزلت البرغل ونزلت عليه الماي المغلي وخليته يتسكر ونجبته للأولاد وسويت معاه حشو ملكي سهمكم العافيه اذا عجبكم المقطع لاتنسوني بالايكات والكومنتات اقرأها كلها واحط لايكات لكم 🌹
