كيكة قرص العقيلي على طريقة الطيبين
قلنا نغير لكم ولا ماتبون تغييير
الوصفة:
٣ بيضات مع معلقة فانيلا بودر او سائلة
بس انا ماكان عندي😁 مع كوب وربع سكر
تنضرب بالخلاط لمدة لاتقل عن ٥ دقايق
يضاف عليهم كرب زيت وكوب حليب سائل
ومره ثانية نضربهم بالخلاط
نجيب الطحين كوبين المنخول
نضيف عليه ٣ ملاعق هيل طازج
وزعفران ونصب عليه المكونات اللي ضربناها بالخلاط
نمزهم مع بعض حسب المتاح يدوي او خلاط انا مزجتهم يدوي وبسهول وخفة
نجيب القالب يفضل تيفال ندهنه بطحينه او هردة كلن ومسماه
ونرش السمسم في الجوانب
نصب الخليط ونرجع نرشه سمسم
وعلى الفرن لمدة ٤٥ دقيقة
ونعطيه نار من فوق لمدة ٥ دقايق نحمر الوجه
نطلعها ونتركها تبرد ثم مقلبها
وبالعافية 🌹
