كيكة تمر منتفشه وطريّه
قبل مل نبدأ بالمقادير + الطريقة هذي الوصفة مررره ممتازة ومضمونة .. بس احرصي تكون كلها بحرارة المطبخ ..
1/ ” المقادير السائلة :
1 اصبع زبدة بحرارة المطبخ = 100 جرام
+ ثلثين كوب سكر بني ناعم ( رطب ) ( نفس اللي نستخدمه بالكوكيز لو ماعندك عادي سكر أبيض ) نخفقهم مع بعض بالسلك اليدوي لين يتجانسون
ثم ننزل عليهم (بيضتين) : حبه ورى حبه + 1 م ص فانيلا سائلة ..
2/ 1 كوب تمر طري بدون فصم أو معجون بس نحرص يكون لذيذ وطري ونضيف عليه نص كوب ماء ساخن ثم نهرسه زين مع الماء ونضيف عليه 1 كوب لبن مو حليب
ونخلطهم ثم نضيفهم على المقادير السائلة ..
3/ المقادير الجافة :
1 كوب طحين أبيض + نص كوب طحين أسمر
+ نص م ص ملح + 1 م ص بيكنج بودر + نص م ص بيكنج صودا + ( نص م ص قرفة مطحونة + ربع م ص زنجبيل بودرة + ربع م ص هيل ) البهارات هذي اختيارية .. ندمجهم زين مع بعض بعدين نقلّبهم مع المقادير السائلة .. بدون ما نكثر خلط ،
ثم أضفت جوز البيكان + جوز الهند الرطب وهي
اضافات اختيارية بس لذيذة :
( ثلاث ارباع كوب جوز بيكان مجروش خشن وتقلبونه مع ملعقة طحين عشان يتوزّع بالكيك ما يصير تحت )
+ ثلاث أرباع كوب جوز الهند الرّطب .
ثم نضيف الخليط بصينية كبيرة أو صينية الكب كيك
أو نفس ماسويت بصينية المافن كيك ..
وندخلهم لفرن مسبق التسخين على درجة 180 ْ يكون مشغل من تحت .. أخذت معي 30 دقيقه ،
بالصينية الكبيره يمكن 40-45 دقيقة وصينية الكب كيك الصغيره ممكن 18 دقيقة .
لمن تشوفونها ماتحمّرت من فوق عادي تفتحون عليها دقيقتين إلى ثلاث تاخذ لون حلو ثم تضيفون فوقها صوص الكاراميل والتزيين يرجع لذوقكم 👍🏻✨
وبألف عافية مقدماً متحمسسسسه مره لتطبيقاتكم 😍
• بعض التنبيهات :
1/ الفرن ضروري تكون درجة الحرارة 180 ْ = 350 فهرنهايت
اذا فهرنهايت دقيق ويعطيك تنبيه اذا وصل للدرجة المطلوبه بس المئوي غير دقيق وضروري اذا تبين تضبطينها في كل مره يصير عندك مقياس الحرارة اللي زي المسدس ( ليزر ) تلقونه عند محلات كثير من ضمنها فهد المعيذر @almaeedar_alriyadh .
2/ البيكنج صودا مع اللبن تفاعل رهيب 👏🏻
3/ الدقيق ينفع تخلطون الابيض مع الاسمر أو أبيض لحاله أو أسمر لحاله كلن ورغبته 👌🏻
