كيكة بلاك فوريست (الغابة السوداء)
(مقادير الكيك)
- ٢٠٠ جرام زبدة لينه(اصبعين)
- كوب سكر ابيض
- ٤ حبات بيض
- ١ م.ص فانيلا سائلة
- كوب وربع طحين متعدد الاستعمالات
- ربع كوب بودرة كاكاو خام
- ٢ م.ص باكنغ باودر
- نص م.ص كربونات صودا
- رشة ملح
- علبة لبن روب ١٧٠ جرام تعادل ثلاث ارباع كوب قياسي
(مقادير الكريمه)
- ٢ كوب كريمه خفق سائله
- نص كوب سكر بودرة
- ١ م.ص فانيلا سائلة
- كيس دريم ويب (بودرة كريم شانتيه)
(للحشوة)
اي نوع عصير كرز نشرب فيها الكيكه
حبات كرز فريش او معلب للحشو والزينه
برش شوكولاته للزينه
#حلويات_كلحه #بلاك_فوريست_كلحه
طريقة التحضير
🔹️باليد او بالمكينه بس نركب مضرب التقليب ونخفق الزبدة والسكر عالاقل ثلاث لاربع دقايق ترررررررر مع مراعاة مسح الحواف من وقت للثاني لان الزبدة تلزق بطبق الخفق علشان نضمن ان كل الكمية اختلطت
🔹️نضيف البيض حبه حبه .. وبعدها الفانيلا ونستمر بالخلط تررررر وايضاااا لاتنسون مسح الحواف من وقت للثاني
🔹️نضيف خليط الطحين والكاكاو والباكنغ باودر والصودا والملح على دفعتين .. وبهالمرحله الافضل تركيب مضرب التقليب (موو الشبكي)
🔹️اضفت علبة الروب او الزبادي واستمريت بالخلط
🔹️نصب الخليط بصينية وحده او اثنين ولا اكثر على كيفكم .. وندخلها فرن محمي مسبقا ١٨٠ من تحت فقط .. وتاخذ لها حوالي ربع ساعه الى ثلث ساعه
🔹️علما انها تاخذ وقت اطول لو صبيتو الخليط بصينية وحده فقط
◾خليط الكريمة:
🔹️نضيف كل المكونات مع بعض ونستمر بالخفق ترررر وتستخدم مباشرة
تطبيق الكيكة
واضح بالفيديو .. نشرب كل طبقه بالعصير وندهنها كريمه ونحط حشوة الصلصة وقطع الكرز وهكذااااا
#٢٠١٨_كلحه
