كيكة اللوز خالية من الجلوتين
اخيرا لقيت صورتها . كنت قدمتها ب ٢٠١٩
ومانزلتها بالحساب من ضمن الوصفات اللي فيها طابع صحي
المقادير
- كوب ونص طحين اللوز ناعم
- ٤ حبات بيض مفصولين
- نص كوب سكر جوز هند او عادي
- ٤ ملاعق كبيرة حليب اللوز او حليب عادي
- ربع م.ص روح اللوز
- ١ م.ص نكهة فانيليا
- رشة ملح
- شرايح لوز للزينه
طريقة التحضير
▪︎نخفق البياض مع رشة ملح
لما يرتفع ويتحول ل فوم ابيض ترررررررررررررر
▪︎بطبق منفصل .. نخفق الصفار مع السكر لمدة ثلاث دقايق مع الفانيلا وروح اللوز تررررررررر
▪︎نضيف طحين اللوز ونخلطه مع خليط الصفار بالملعقه لما يتجانسوا جق جق جق
▪︎نضيف الحليب ونكمل خلط بالملعقه جق جق جق
الحين نبدأ نضيف بياض البيض المنفوووش بالتدريج على دفعتين او ثلاث .. ونخلط بالملعقه لحين التجانس .. الخلط بهدوء علشان لانفقد الهوا
▪︎نصب الخليط بصينية قصيرة الحواف مقاس ثمانية او تسعه انش
▪︎نضيف شرايح اللوز النيء عالوجه وندخلها فرن محمي مسبقا حرارة ١٨٠ .. تحت فقط .. خوالي
٢٠-٣٠ دقيقة
▪︎وبس تطلع نرش سكر بودرة وبالعافية
