| كيكة التفآح بالتمر والجوز مع صوص البرتقآل |
. ” المقآدير السائلة :
اصبعين زبدة 200 جرام + كوب سكر بني ناعم + بيضتين + م ص فانيلا + كوبين تفاح مهروس *
. ” المقآدير الجآفّة :
كوبين طحين أبيض + نص م ص ملح + م ص بيكنج صودا + م ص قرفة مطحونة + ربع م ص زنجبيل بودرة + ربع م ص مسمار مطحون .
آخر شيء راح نضيف للخليط :
كوب تمر مقطع قطع صغيره يصير بالفريزر جامد عشان تقطعونه وأي نوع تمر الموجود عندكم .
+ ثلاث أرباع كوب جوز البيكان تحمّصونه بالفرن شوي بعدين تفرمونه فرم خشم بالسكّين .
. *التفآح المهروس :
8-6 تفاحات حمراء نقشّرهم بعدين نقطعهم مكعبات ونحطهم بالقدر على نار هادئه نحركه مع شوي قرفه و سكر بنّي ملعقه صغنونه بس يتكرمل شوي مع التفآح اذا استوى أحطهم بمحضرة الطعام وأخلطهم لين يصير الخليط مره ناعم .
. ** الطريقة /
أول شيء نخلط السكر البني مع الزبدة لين يندمجون بعدين نضيف البيضتين مع الفانيلا ثم نضيف مهروس التفآح .
بعدين نخلط المقادير الجافه مع بعض ونضيفهم ع المقآدير السائلة وآخر شيء نضيف التمر والجوز .
نجيب قوالب فرديه تدخل الفرن أو صينيه كبيره بس أفضّل قوآلب فرديه أجمل بالتقديم .
و ندخلهم فرن مسبق التسخين مشغل من تحت ع الرف الوسط تاخذ من 20-25 دقيقة ، نختبرها ندخل عود إذا طلع نظيف يصير تمام 👌🏻
فتحت عليها آخر 5 دقايق المروحه من فوق تاخذ لون بعدين أول ماطلعتها من الفرن غززتها بشوكه صغنونه و أسقيتها من الصوص عشان يتغلغل فيها مكوناته عباره عن :
كوب سكر بني + ربع اصبع زبدة + م ص فانيلا + نص م ص ملح + نص حبة برتقال نعصرها
و نبشر شوي من القشر + نص كوب شيره .. نخلطهم كلهم مع بعض بقدر صغير ع النار لين تتجانس مع بعض ونصب منه شوي على كل قالب .
واستمتعو فيها وهي دآفيه 😴👌🏻
** يمديكم عند التقديم : تضيفون ملعقة آيسكريم ع الوجه ، أو كريمة مخفوقه أو خليط جبن كريمي .
.
#كيكة_تمر_عبير_العميره
