🍫🍊 كيكة البرتقال والشوكلاه 🍊🍫
ماشاء الله هالكيكه صراحه وانا اسويها ماتوقعتها بتطلع بهاللذه انصحكم تجربونها هشه ولذيذة وطعم البرتقال مع الشوكلت روووعه ولذيذ وسهله ماتاخذ وقت ابد ..
المقادير
- 2 كوب طحين
- نصف كوب زيت
- 1 كوب سكر
- 3 بيضات
- عصير برتقاله وحده
- بشر برتقاله وحده (ابشري البرتقاله ثم اعصريها 😉)
- قليل من الفانيلا السائله
- ملعقه وربع كاكاو بودره غير محلا + نص ملعقه صغيرة نسكافيه
- ملعقه كبيرة بيكنج بودر
- ربع ملعقه صغيرة بيكربونات الصوديوم
- رشه ملح
طريقة التحضير
نخفق البيض والزيت و السكر والفانيلا وبشر البرتقال لمدة عشر دقايق ثم نضيف الطحين والبيكنج بودر والملح والبيكربونات مع عصير البرتقال
نسكب ثلاث ارباع الخليط بقالب الفرن المدهون ومرشوش طحين
وباقي الخليط نضيف له الكاكاو البودرة و النسكافيه ونخلطه واذا حسيتي الخليط صار ثقيل زيدي ملعقه اكل مويه فقط وصبيه على خليط الاول بشكل عشوائي وحكي باطراف السكين بسكل دوائر ورتبي السطح الخليط وندخله للفرن على حرارة 190 متوسطه تقريبا لمدة 30 دقيقه تقريبا (فرني غاز) بعد ماتستوي
نطلعها من الفرن ونغطيها بقماش الى ماتبرد ونقلبها بصحن التقديم وعوافي 💖
🚩 ملاحظة:
•تقدرين ماتحطين الشوكلت والنسكافيه من المقادير وتصير كيكه برتقال فقط . . .
•اضفت النسكافيه مع الشوكلت عشان تعزز نكهة الشوكلت وترا مايبين طعمها😜
@keera_55
