كوكيز مره طعم 👏🏻😍
المقادير
- ١١٥ قرام زبدة بحرارة الغرفة
- كوب وربع دقيق بالاكواب المعيارية
- حبة بيض كبيرة بحرارة الغرفة
- نص كوب سكر ابيض
- نص كوب سكر اسمر
- ملعقة اكل فانيلا سائلة
- ملعقة صغيرة نشا
- نص ملعقة صغيرة باكينج صودا ( بيكربونات الصودا )
- نص ملعقة صغيرة ملح
- كوب شوكولاتة هيرشي ( شبه محلاة )
طريقة التحضير
نخلط الزبدة مع السكر مره كويس ( الزبدة نخرجها من الثلاجة قبل مانبدا بساعة على الاقل ) وبعدين نحط البيض والفانيلا ونخلط وبعدها نضيف كل المكونات الجافة وننخلهم ونخلط كويس لين تختفي المكونات الجافة واخر شي نضيف الشوكولاتة ونسويهم كور وندخلهم الثلاجة لمدة ساعة وبعدين ندخلهم على فرن حار مسبقا ( الرف في الوسط ونولع بس من تحت لمدة ١٠ دقايق على درجة حرارة ١٧٠ ) وبعد مانخرجها من الفرن نتركها تبرد لمدة ٢٠ دقيقة وبعدين ناكلها ،، واذا نبغا نسوي كمية ونحطها في الفريزر يسير قبل ماندخلها الفرن نخرجها من الفريزر ونخليها بره ٢٠ دقيقة وبعدها ندخلها الفرن
