أحدث الوصفاتالحلويات

كوكيز البراوني

50620939 2239497356293212 4156314836343545767 n

وصفه كوكيز البراوني:
الوصفه طعم الككاو فيها قوي وتبين المروره شوي .. للي يحب الكوكيز يكون حالي يقدر يغير بكميه السكر والككاو وراح اكتب لكم التغييرات تحت .. وكميه الزبده زياده شوي لان ابي الكوكيز يكون فلات ، اما اذا تبون الكوكيز يكون متفوخ اكثر قللوا كميه الزبده شوي .. وطبعا تقدرون تغيرون بالمقادير حسب ذوقكم بس انا بالنسبه لي هالوصفه ممتازه.
.
*المقادير:
١٥٠ جرام زبده
٢٠٠ جرام شوكولاته خام او دارك تشوكلت ، نسبه الككاو ٧٠٪؜ (اقروا تحت اذا ماتعرفون اي نوع تستخدمون)
.
٢ بيض
٢/١ كوب (١٠٠ جرام) سكر ابيض
٤/٣ كوب (١٣٠ جرام) سكر بني
.
١ كوب (١٣٥ جرام) طحين
٢ ملعقه صغيره اسبرسو بودر او قهوه بودر فوريه
٢ ملعقه كبيره ككاو بودر (المر)
٢/١ ملعقه صغيره بيكنق باودر
٢/١ ملعقه صغيره ملح
.
نسخن الفرن من تحت فقط على حراره ١٨٠ سيليزي او ٣٥٠ فهرنهايت. الحديده بالوسط.

في وعاء زجاج نذوّب الزبده والككاو في الميكروويف لمده دقيقه او دقيقه ونص تقريبا ، وكل ٣٠ ثانيه نطلعه من الميكرووف ونخلطه ونرده الميكروويف .. او ممكن نذوبه بحمام مائي. نتركه على جنب.
.
في خلاط الكيك او المكسر وباستخدام اداة المشبك مثل المستخدم بالفيديو ، نضيف البيض والسكر الابيض والبني ونخفق على سرعه عاليه لمده ٥ دقائق او ٨ دقائق اذا خلاط يدوي ، بعدها نضيف خليط الزبده بالككاو ونخلط مده دقيقه.
في وعاء صغير ، نخلط كل النواشف مع بعض (الطحين، بيكنق باودر ، الملح ، الككاو الباودر ، الاسبرسو الباودر). نضيف خليط النواشف على خليط الكوكيز ونخلط شوي مجرد ماتمتزج كل المكونات.
نسكب الكوكيز على صينيه الخَبز باستخدام ملعقه الايس كريم. يُخبز في الفرن لمده ١٢ الى ١٤ دقيقه حسب حجم الكوكيز.
.
.
* اذا تبون الكوكيز يكون اكثر حالي ، زيدوا ٤/١ كوب سكر ابيض وقللوا الدارك تشوكلت الى ١٦٠ لي ١٨٠ جرام تقريبا.
* اي دارك تشوكلت نستخدم؟ ككاو الخام اللي متوفر واعرفه lindt , valrhona , callebaut اغلبهم تحصلونهم عند الموزعين بس ويبيعونهم بكميات كبيره ، بس lللي متوفر بالجمعات ويبيعونه بكميه قليله ماركه lindt * اما اذا كلش ماحصلتوا هالانواع تقدرون تستخدمون هيرشيز الدارك بس طبعا راح يكون في اختلاف بالطعم.

 

Kawther AlKusaimi كوثر القصيمي

•Baking is my passion •KUWAIT الكويت
زر الذهاب إلى الأعلى