ايش توقعتوا المطاعم معتمده ل تلوين ؟ 🙆🏻♀️ و تصوير اليوم تاسيس اكثر من المعتاد 👌
كفتة هندية
– خطوه الاولى :
- مفروم : دجاج او لحم ٦٠٠ غ
- كزبره ربع حزمه
- بصل اخضر ١
- ثوم فصين
- قرم ماسالا ١ و ١/٢ م ك
- حمص محمص ٣ م ك
- ملح ١/٢ م ص
- شات ماسالا ١ م ص اذا متوفر
– خطوه الثانيه الايدام :
- طماط ٤ كبار
- بصل ٢ وسط
- ثوم ٦ فصوص
- زنجبيل انش
- ملح ١ م ص فلفل اخضر ٢
- زيت ١/٢ كوب
- ( بهارات مشكله ١ م ص او كاري بودره ١ م ص )
- كاجو ١/٤ كوب
- لوز ربع كوب
– خطوه الثالثه :
- ١ م ص كمون
- ١ م ك حب خردل
- ١ م ص اجواين او نانخه
- زنجبيل مبشور صغار ١ م ك
- فلفل كشميري او بارد ٣ م ك
- ١/٤ كوب ماي
طريقة التحضير
مفروم نضربه ب خلاط مع مقادير المكتوبه اعلاه ب خطوه الاولى ، نكور بيد مدهونه ب زيت خفيف و ندخله الفريزر ١٥ د
ناخذ جميع مقادير الخطوه الثانيه و نطبخههم على نار عاليه لين يذبل على خفيف نضيف كاجو و لوز ١/٤ كوب من كل واحد و نضربهم ب خلاط
في قدر نضيف خردل كمون اجواين ونقلبهم على خفيف تحميس بسيط ثم نضيف زنجببل و فلفل و نقلب شوي و نصب عليه ماي نغطي عليه لين يطلع اللون كويس ثم نضيف كل اللي ضربناه بالخلاط مسبقا
نقلي الكفته و نضيفهم للايدام ثم نتركه لين يثقل بالقوام اللي تحبونه و نزين ب كزبره و كريمة و بالف عافيه 👌🌹
