☑️ شكر خاص لكل من شاركني الطريقه 🇪🇬 ٠
🛑 الطريقه بالتفصيل:
☑️ لعمل البصل
٤ حبات بصل وقطعتهم شرايح رفيعه وملحته وحطيت عليه رشة دقيق وممكن بدون دقيق ، نقليه بزيت غزير متوسط الحراره تقريباً ياخذ ٢٠-٣٠ دقيقه لين يصير ذهبي غامق مقرمش ونحطه بمناديل
☑️ لعمل العدس:
كاسة عدس بني مغسول جيداً وسلقته بمويا وحطيت عليه رشة كمون وملح ، ١٠ دقايق تقريباً ويفضل مايكون مستوي جداً ، اصفي العدس من المويا واحتفظ بمويته
في طاوه حمست ثوم مهروس بزيت البصل وضفت العدس واحمسه مع شوية كمون وملح وبس
☑️ صلصة الطماطم:
حمست ثوم مهروس بزيت البصل وضفت عصير طماطم معلب او ( تفرموا ٣ حبات كبار ) وضفت ملعقه كبيره صلصة ، رشة كمون وسكر وشوية خل وملح ، نخليها تتسبك ٥ دقايق
☑️ الشطه الحاره
زيت البصل واضيف شطة بودرة حسب الرغبه وبعدين اضيف شوية من الصلصه اللي سويناها وبس
☑️ التسقيه او الصوص الابيض
كوب مويا ونص كوب خل ابيض ، رشة كمون وكزبره ناشفه وملح وثوم مهروس ونخليها تغلي ٥ دقايق وبس
☑️ المكرونه
سلقت نوعين او حسب رغبتكم ولما تستوي اصفيها واحط عليها زيت البصل عشان لاتلصق وتعطيها نكهه رهيبه
☑️ الكشري
نحمس كاسة شعيريه مع زيت البصل لين تتحمر ونضيف كاستين رز مصري ونحمسه شويه، نضيف كمون وملح ، نضيف كاسة ونص مويا ، وكاسه ونص موية العدس ،
نخلي الرز يغلي شويه بعدين نوطي النار ونخليه ١٠ دقايق يستوي
🛑 ضيفوا حمص مسلوق او معلب يطلع رهيب
🛑🛑 ملحوظه
الكشري طرقه كثيره وكل بيت يسويه بطريقه مختلفه ، في ناس تسلق عدس وتحطه مع الرز ، وفي ناس ماتضيف عدس
كل بيت وطريقته👌
☑️ اتمنى الطريقه تنال على اعجابكم♥️
