كبسة الدجاج بالبرتقال بقدر واحد
طعم اصيل .. من الوصفات الحجازية الجميلة
🇸🇦
مشهوره عن البيوت في جدة ومكه
اتمنى تعجبكم
كبسة الدجاج بالبرتقال بقدر واحد :
المقادير
- لكل ٥٠٠ غرام دجاج
- كوب رز بسمتي ( بدون نقع )
- ٣ كوب ماء
- ثلث كوب بصل مكعبات
- ربع كوب جزر مبشور
- م ك بشر برتقال
- ٢ م ك معجون طماطم
- م ك بهار مشكل
- م ص كركم
- بهار صحيح مشكل( هيل ، لومي ، قرفه ، قرنفل ، ورق غار ، فلفل اسود )
- م ك ملح
- ٣ م ك زيت
- م ك ماء كادي
- ربع كوب زبيب للزينه
طريقة التحضير
١. بالقدر نسخن الزيت ونقلي الدجاج على وجهين لين يحمرو ونشيلهم.
٢. نحط البصل ونحمس ثم الجزر وبشر البرتقال ونحمس / ثم البهار الصحيح والبودر ومعجون الطماطم ونحمس / ونرجع الدجاج ونحط الماء يغلي .
٣. نحط الرز ونقفل عليه نار عالية لين تبرز الحبه نحط الزبيب ونقفل عليه نار هادية ٢٠ دقيقة ثم نحط ماء كادي ونقفل النار ونخلي الرز يرتاح ١٥-٢٠ دقيقة عشان يتفلفل .
ونغرف وبالعافية
