كبسة الخضار بالسكر الرهيبة ( اسم على مسمى)
المقادير
- جزر تقطعينه اعواد ومثله باقي الخضار حبه من كل شكل
- جزر . كوسا . فاصوليا خضرا شوي
- ربع حبة فلفل اخضر وربع اصفر وربع احمر
- كلها اعواد + بصل اعواد مع الخضره راس واحد
وعقب تحطين في مقلى كبير ملعقة زيت وربع او ثلث اصبع زبده
تحطين عليه ملعقه كبيره زنجبيل مبشور وتضيفين باقي الخضار
وتخلينها لين تنحمس ولاتحترق تقصرين الغاز
وتضيفين مكعب مرقة الدجاج او بودرة الخضار
وتاخذين تقريبا فنجان سكر تكرملينه وتصبين عليه تقريبا فنجان او نص كاس ماء واذا طبخ صبيه على الخضار ..
وسكري غاز الخضار
والدجاج قطعيه انصاف ينظف ويسلق في ماء يضاف له اعواد دارسين وملح و3 او 4 حبات هيل وورقة غار
واذا استوى طلعيه من الماء وحطي عليه صلصه وبهار وحمريه بالفرن .
نرجع للماء صفيه من الهيل والدارسين وكبي الخضار عليه ويطبخ شوي بس تكونين منقعه الرز ( استخدمت بنجابي المهيدب)
وكبي الرز عليه زي الكبسه
وسوي حشوه عليه حلوه اذا عندج زركش حطي معاها
وبالعافيه ..
