قوالب الدجاج اللذيذة 😻
اسهل منها مافي
ماخذتها من مجلة قودي تقدرون تحملونها من الاب ستور 😻والاندرويد
بس اكتبوا مطبخ قودي وراح تطلع لكم .. مره حلوة وفيها وصفات تهبل😩
اول خطوة :
نحتاج ٣ صدور دجاج مقطعة مكعبات صغيرة
بصل احمر مقطع شرائح
٢ جزر مبشور
فلفل رومي مقطع مكعبات صغيرة . .
للصوص الابيض نحتاج :
- ٢ قشطة ڤيلور
- ٣ ملاعق كبيرة جبن سائل
- ملعقتين كبار مايونيز قودي
- رشة ملح وفلفل اسود و بودرة الثوم
نخلطهم مع بعض .
نشوح البصل مع الزيت الى مايذبل
ونضيف عليه الدجاج
والخضار ” الفلفل والجزر ”
ونقلبهم الى ماينضج الدجاج تقريبا ٧ دقائق
و اكيد بهرت الدجاج بملعقة صغيرة لكل من كمون وفلفل اسود و وبودرة ثوم وبابريكا وملح و ملعقتين كبار من الصوص الابيض
توست مقطع دوائر على حسب حجم القوالب الي عندك
اول طبقة توست ونضيف عليها خلطة الدجاج و رشة من جبن الموزريلا او التشدر
ونرجع نغطيها بطبقة من التوست وملعقة كبيرة من الصوص الابيض و رشة من جبن الموزريلا
وندخل القوالب الفرن لمدة ٢٠ دقيقة تقريباً على درجة ٢٠٠ مئوية .
الى مايصير لونها ذهبي وتقدم بالعافية 💗
