قطايف رمضان بحشوتين لذيذة ومميزة
مقاديري اليوم كمية بسيطه لاني احبها حق يوم واحد
المقادير
- كوب دقيق
- نص كوب سميد
- كوبين مويه ( معلومه مهمه لكل كوب دقيق كوب ماء وكل كوب سميد كوبين ماء)بعد التخمير تثقل شوي)
- ملعقة نشاء
- ملعقة خميرة متوسطه
- ملعقة بيكنج بودر صغيرة
- ملعقتين سكر
- رشة ملح
ونخلطها بالخلاط
تترك نص ساعه ونبدا نصبها على صاج حار
او الة المصابيب
اليوم اعتمدت الملعقة ربع الكوب لصب القطايف
وبس تنشف من فوق نرفعها ونضعها على قطعة
قماش قطن
نخلص كامل المقدار ونبدا نحشيها
حشيت جزء بالجبن العكاوي المحلى قبل بيوم
احليه يعني انقعه بماء واغير الماء كل فتره عشان تخف كمية الملح
والحشوة الثانيه
جوز عين الجمل مفروم خشن مع جوز هند وسكر وقرفه
الحشوة هذي قمة في الطعم واحبها مره للقطايف
ممكن تحشونها قشطه بلدي او طازجه
وممكن فستق وماء ورد وسكر
او جبن المراعي
اي حشوة تفضلونها
انا اليوم ما قليتها بالزيت
حمرتها بالقلايه الهوائية او بالفرن ندهنها بالسمن وندخلها الفرن ونحمرها من فوق وتحت
تطلع ناشفه ومقرمشة ولذيذة
ثم وضعتها بالشيرة وزينتها بالفستق وبالعافيه
ملاحظة ( انا سويتها امس واليوم امس اضفت خميرة وبيكنج بودر واليوم بس بيكنح بودر وبيكربونات وراح تلاحظون الفتحات مختلفة في الصور يعني اللي بالبيكوبونات طلعت افضل 👍👍ونضع البيكربونات بالاخير مع شوي مويه ونخلطها مع الخليط مباشرة قبل الخبز
