فلافل .بتفرمو بمكينة فرم اللحم انعم شفره الخلطه كلها .
فلافل اليوم حضرناها انا وام عزيز
الفلافل الها كتير طرق هيدي طريقه من هالطرق
المقادير
- ٣ اكواب حمص منقوع قبل ١٢ ساعه
- ١ كوب فول مجروش منقوع قبل ١٢ ساعه
- ٣ حصوص ثوم
- ضمة بقدونس وفيكن تحطو نصف ضمة كزبره خضرا .
- ربطة بصل اخضر صغيره ( ٦ بصلات خضر )
- او فيكن تحطو راس بصل كبير .
– خلطة البهارات:
- نصف ملعقة طعام كبيره بودرة البصل
- نصف ملعقة طعام كبيره بوردة الثوم
- نص ملعقة طعام كبيره زنجبيل
- ملعقة طعام كزبره مطحونه
- نص ملعقة طعام كبيره فلفل اسود
- نص ملعقة طعام بهار حلو
- ملعقه صغيره كمون
- ملعقه صغيره قرفه .
- بتضيفو ملعقة صغيره بيكربونات قبل القلي .
في حال عملتو كميه بدكن تثلجوها ما تحطو البهار والبيكربونات
الا بعد ما تجهزوها للقلي يعني طلعوها من الفريزر خلوها تفك من الثلج ضيفو البهار وبيكربونات .
منحط بألب السندويش .
الفلافل – بقدونس – نعنع – خس – كبيس لفت – فلفل حر – طحينه – بندوره – رشة ملح .
طريقة صوص الفلافل الطحينه : بتحطو طحينه ١ كوب ( هرده) بتحطو عصير ليمون حبه و ماء بارد نصف كوي تقريبا ورشة ملح وبتخلطو
ان رخوه ضيفو طحينه وان شديده ضيفو ماء بارد . .
