فطير الزعتر الاخضر برائحة وطعم مميز ❤️
فطير الزعتر الفلسطيني
🚫ملاحظة : هالوصفة بتنعمل بكل مكان بفلسطين باسلوب وبمكونات تختلف من منطقة لاخرى حسب الذوق وممكن تنعمل بخميرة او بدون بوصفتي استخدمت الخميرة
للعجين:
كيلو طحين (٧ اكواب معيارية حجم الكوب ٢٥٠مل)
٣ معالق كبيرة حليب بودرة
بنذوب معلقة كبيرة ممسوحة خميرة مع معلقة كبيرة سكر بكوبين ماء دافي وبنتركهم حتى تتفاعل الخميرة وبنضيفها ع الطحين بعدها بنضيف كوب زيت زيتون بالتدريج واخر شي بنضيف رشة ملح لتتشكل معنا عجينة ليّنة بنريحها ساعة
ملاحظة (كمية السوائل قد تختلف حسب نوع الطحين)
⏰ بعد مرور ساعة بنقطعها لدوائر حجم كبير (تشكل معي ٦ كرات) بكورهم وبحطهم عصينية مدهونة زيت زيتون
لخليط الزعتر :
استخدمت الزعتر الاخضر بعد ما غسلته عدة مرات وحطيت عليه معلقة كبيرة ملح حتى تنزل كل الماي اللي فيه اضفت عليه نصف كمية البصل الاخضر (ممكن بصل عادي) والنصف الباقي من البصل اضفت عليه سماق وفركته فيه وذبلتو ع الغاز واضفتو ع الزعتر واضفت عليهم ملح ، عصير ليمون، زيت زيتون
لتطبيق الوصفة :
بوخذ كل كرة من العجين وبفردها كثير منيح ع سطح مدهون زيت زيتون لتصير معنا رقيقة بشكل دائري بحط عليها كمية من الزعتر الاخضر وفوقهم رشة زيت زيتون وبضغط ع العجين بعدها بطويها من الاعلى وبحط كمية بسيطة من الزعتر الاخضر ورشة زيت زيتون وبنطويها من الاسفل وبنكرر نفس الشي زعتر اخضر وزيت زيتون وبنسكرها من الاطراف ليصير شكلها مربع
بنحطها عصينية مدهونة زيت زيتون وبنتركها ترتاح نصف ساعة
⏰ بعد نصف ساعة بوخذ كل قطعة من العجين وبفردها ع صينية فيها كمية منيحة من زيت الزيتون ليصير عندي رغيف رقيق بشكل مستطيل بحط ع الوجه سمسم وحبة البركة ورشة زيت زيتون وبدخلها فرن محمى مسبقا حرارة ٢٠٠ وبس تطلع بحط ع الوجع زيت زيتون وبحتفظ فيهم داخل فوطة وبالعافية ع قلبكم 🌹
