مساكم الله بالخير اخواني المتابعين وجزاكم الله خير على تعليقاتكم الي فاتت وعلى لايكاتكم المستمره معاي
طبخة اليوم. سهله. للفطور والسحور. وهي فطيرة الراعي طبخة تقليدية
المكونات
١-نص كيلو لحم عجل مفروم
٢- اربع بصلات مفرومه
٣-خضار مشكله امامثلج اوطازج
٤-ثلاث طماطات مقطعة
٥- عدد ٦ بطاطات مطبوخه بالماء
٦- اربع انواع اجبان مزرولا وشدر وبارمچان وجبن كريمي اي نوع
٧- معجون طماط مخفف بالماء
٨- اربع فصوص ثوم مهروس وزنجبيل
٩- كاس ماء مخلوط ملعقتين نشا
١٠- ربع كاس زيت طبخ
١١- بهارات وملح
١٢- كوب حليب
١٣- نص قالب زبده مذابه
الطريقة : نحمس المكونات بالتدريج مثل الفديو وونزل البهارات وونزل عليهم صلصة الطماط والماء والنشا لين تتسبك ونصبهم بماعون بايركس
ونطبخ البطاط ونهرسه مع الحليب والزبده والملح والفلفل الأسود والأجبان
ونفرده فوق خلطة اللحم ونمسح عليه بالزبده وندخله الفرن
حرارة من تحت ١٨٠ اربعين دقيقة وبعدين من فوق للتحمير وعلينا وعليكم بالعافية اذا عجبكم المقطع لاتنسوني باللايكات والكومنتات الجميلة
