أحدث الوصفاتالساندوتشات والمعجنات

فطائر البالون

فطائر البالون

الذ فطائر طرية ذهبية هشّة شو ما اوصفها قليلة عليها 👌 ما بالكم حشيتها شاورما 😎 ورجوني القلب الاحمر لتنزل الوصفة الخرافية 👌

للعجين استخدمت عجينة العشر دقايق بس عدلت ‎فيها بعض التفاصيل لتناسب الوصفة
‏‎
🍕لمقادير العجين: استخدمت كوب معياري ٢٥٠مل
ذوبت معلقتين كبار سكر مع معلقة ونص كبار خميرة (١٢غ) في كوبين حليب دافي وتركتهم ع جنب لتتفاعل الخميرة

‏‎بوعاء العجن بنضيف كوبين طحين وكوبين الحليب الدافي اللي تركناه بالبداية وبنغطيهم عشر دقايق.

‏‎بعد عشر دقايق بنحط ثلاث اكواب طحين (اكثر او اقل حسب حاجة العجين) وثلاث معالق كبيرة زيت زيتون ورشة ملح وبنترك العجين ترتاح ساعة.

بعد ساعة بنقطع العجين ل٦ قطع متساوية وبنغط كل قطعة بحليب وسمسم وبنفردها بسمك ١سم وبنقطعها لاربع قطع مثل ما هو واضح بالفيديو وبنتركها ترتاح نصف ساعة.

بنقلي الفطاير بزيت ساخن وبنستمر بحط الزيت ع الوجه لينتفخ ويصير مثل البالون وبنقلبه ع الوجه الثاني ليوخذ لون وبالعافية.

ملاحظة ممكن تنشوى بالفرن بس حتصير مثل الفطاير العادية 🌸

زر الذهاب إلى الأعلى