فتة الحمص
من سوريا الحبيبة وصفة اليوم بكل حب ❤️
فتة الحمص
بننقع كوبين حمص لمدة ليلة كاملة
ثاني يوم بنسلق الحمص مع اضافة معلقة صغيرة بيكربونات الصوديوم وبنزيل الرغوة اللي ع الوجه
بنقطع خبز مربعات صغيرة وبنضيف عليه زيت زيتون ورشة بابريكا وبنحمصوا بالفرن.
لعمل الحمص :
بنطحن كمية من الثلج بمحضرة الطعام بعدها بنضيف كوب ونصف من الحمص المسلوق وثلاث معالق كبيرة من الطحينة (الهردة) ورشة ملح ليمون وملح وممكن اضافة الثوم وعصير الليمون حسب الذوق.
بنطحن جميع المكونات معا وبالتدريج بننزل بالزيت النباتي لنوصل للقوام المرغوب
للطبقة الاولى بنحط الخبر المحمص وبنشربوا بمرقة سلق الحمص مع حبات الحمص
للطبقة الثانية بنحتاج لبن مضاف اله ثلاث معالق كبيرة طحينة وعصير ليمون وثوم مهروس وملح وينضيف الحمص عليه اللي عملناه من قبل ويزين حسب الرغبة وبالعافية ❤️
