غُريّبة سادة بدون نكهات

| غُريّبة سادة بدون نكهات | .

بأكتب لكم المقادير بالضبط 👌🏻
كوب زبدة يعني 200 جرام أو اللي تحب تدمج السمن مع الزبده تحط ( نص كوب سمن + نص كوب زبدة ) .. نخفق لين يصير كريمي ولونه أبيضض بعدين نضيف عليه كوب سكر بودرة جاهز + م ص فانيلا بعدين لمن يندمج السكر مع الزبده نضيفهم على كوبين طحين أبيض استخدمت ( طحين فوم ) مع نص م ص ملح ونعجنهم باليد مجرد يندمجون نوقف عجن ضروري ما تكثرون عجن 👌🏻 وآخر شيء ملعقتين كبيره شيره عشان تتماسك والشيء الثاني عشان تتحمر بسرعه وما تطول بالفرن ..

** التشكيل يكون على حسب الرغبة بعد التشكيل أدخلها الثلاجه أقل شيء ساعتين وأدخلها على فرن مسبق التسخين ..

نجي لأهم نقطة وهي الفرن الأفضل فرن كهربائي عشان يكون توزيعه للحراره بشكل متساوي .. نسخنه قبل نخليه بين 150 إلى 180 درجة مئوية ويكون مشغل من تحت بالنسبه لي ماتطول اكثر من 10 دقايق ماأحب تحميرها يصير واضح ضروري يكون أشقر فااااااااتح مره و أول ما تطلعونها من الفرن تخلونها تبرد تماما ..

الحلا سهل ومضبوط بس يبي لك وانتي تصلحينه تصيرين رايقه مررره 😴👌🏻.

تقدرون تضيفون منكّهات مثل :
الهيل ، القرفة ، ماء ورد أو زهر .. الخ
#غريبة_عبير_العميرة