سوري مسحت اللي قبل لان نسيت نقطه🙈
.
وصفة عجينه او كرست التارت :
.
١ و ٢/١ كوب طحين
٢/١ كوب سكر بودره
٤/١ م ص ملح
٩ ملاعق كبيره زبده ( الاصبع الواحد من الزبده ١٠٠ جرام = ٨ ملاعق كبيره .. فنحتاج صبع زبده كامل و ١ م ك زياده)
١ صفار بيض كبير
.
.
اول شي مكونات الكرست (غير النواشف) لازم تكون باااارده ، وخصوصا الزبده وحطوها ١٠ دقايق بالفريزر قبل لا تبلشون ، لان كل ماكانت ابرد النتيجه تكون افضل.
١) نخلط النواشف وتالي نضيف الزبده ونخلط بالفود بروسسر (اللي بالصوره اللي قبل هذي) الى ان يصير فتات صغار والزبده كلها انخلطت ، او اذا عجنتو بايدكم فتتو الزبده باطراف الاصابع مع النواشف الا ان يصير جنه فتات .. تالي نضيف صفار البيض ونخلط عالسرع الا ان تتكون عجينه.
٢) العجينه ماتنخلط وايد!! انتبهو لا تعجنون ساعه عبالكم بتصير احسن .. لا مجرد ماتماسكت العجينه بس وقفو.
٤) تالي نحط العجينه بين ورقتين من البارشمنت بيبر او واكس بيبر ونرقها من النص .. اللي مو مجربه هالطريقه وتجربها الحين صدقوني راح تشوف فرق عجيييب! لان هالطريقه ماتعطي العجينه مجال تتفتت كثر لم نرقها على اي مكان من غير ورقتين!
٥) ممكن لم ترقونها تحسون شوي تفتت فحطوها ٢٠ دقيقه بالثلاجه او ١٠ دقايق بالفريزر عساس تصك اكثر وتبرد. بعد ماتبرد طلعوها و رقوها مثل ماقلت.
٥) بعد ما نرقها ، نحطها بقالب التارت متحرك القاعده ٩ انش ويكون مدهون .. نرصها عالخفيف عشان ماتتقطع ، ونخلي الاطراف من فوق سميكه.
٦) تالي بالشوكه نضغط ع العجينه جم مكان من القاعده ، عشان بالفرن ماتنتفخ من تحت ، هالفتحات اللي سويناها تطلع الهوا وماتخلي العجينه ترتفع بالفرن.
٧) نحط القالب بالثلاجه ساعه او فوق ، او ٣٠ دقيقه بالفريزر .. وكل ماطولت بالثلاجه يكون افضل.
٨) بعد ما ابردت العجينه نطلع القالب ، ونحط فوق الكرست بارشمنت بيبر وفوقه حبوب ناشفه (عدس او عيش او غيره) .. هذا الشي يضغط عالكرست فيخليها مستويه ومافيها ارتفاعات .. فلازم نخلي فيها فتحات بالشوكه ونحط الحبوب.
٩) ونحط القالب على صينيه فرن وندخلها الفرن مسبق التسخين على حراره ٢٠٠ سيليزي او ٣٧٥ فهرنهايت.
١٠) ونخبز الكرست لمده ٣٠ الى ٣٥ دقيقه .. او الى ان تتحمر شوي من كل صوب بالنص والاطراف يعني.
١١) عقب نطلعها من الفرن ونخليها تبرد تماماا وبعدين نستخدمها.
.
وبالفيديو حاطتلكم شكل البارشمنت بيبر ، والواكس بيبر ، وشكل القالب .. القالب والبارشمنت بيبر من ماركه ولتون تحصلونه بتافولا .. والواكس بيبر من مركز سلطان وبعض الجمعيات
.
#tart_minibaker
هذا هاش تاق التارت
