🥩 ضلوع بقرية ذايبة 🔥
بهذا الاسلوب تضمن النجاح ١٠٠٪ وبطعم رائع 👌 وحتى الشكل يحكي ويشكي .. مع انها قطعه من النوع الرخيص بس النتيجة تتحدث 🔥🔥🔥🔥🔥 ٠
المقادير
- كيلو ضلوع بقرية قصيرة
- كوب اناناس مقطع مكعبات
- كوب جزر دوائر مقطع
- كوب بصل جوانح
- ٢ م ك خردل
- ٣ اكواب عصير تفاح
- م ك ملح
- ٢ م ك بهارات باربكيو
- م ك بابريكا مدخنه
- نصف كوب باربكيو صوص
- م ك ويرشيستر صوص
طريقة التحضير
اولا :
نتبل اللحم بالبهارات جيدا ، ونتركه ٣٠ دقيقة يرتاح .. وبقدر الضغط شوي زيت نخليه حامي ونحمر اللحم من جميع الجهات تاخذ لون وشكل ونطلعها .. ثانيا =
نحمس الخضروات والفواكه سوا ونضيف الخردل والويرشيستر صوص لين يذبلو شوي نحط الحمه معاهم ياخذ تشويحه ثم نحط باربكيو صوص وعصير التفاح .. ونقفل القدر ونخلي النار ٥ دقايق اعلا شي .. و ٩٠ دقيقة نار هادية .. بعدها نفتح الغطا نشوف اللحم ومرقتها .. ونولع النار اعلا شي بدون ما نقفل غطا قدر الضغط بس نخلي المرق يخف ويصير صوص معانا ثقيل نقفل النار ( ١٠-٢٠ دقيقة تقريبا )
وعوافي ❤️
