| صينية مكرونة 🍝 بالبطاطس 🥔| 1- نقطع البطاطس مكعبات مع القشر ونتبّلها
بـ : ” زيت زيتون ، فلفل أحمر بابريكا حار أو بارد على حسب الرغبة ، كركم ، ملح ، بهارات ايطالية ”
نخلطهم زين مع بعض بعدين نوزّعها بصينية ونحط عليهم أوراق نعناع + اكليل الجبل ونقصدر الصينية وندخلها لفرن ساخن مشغل من تحت على درجة 180ْ راح تاخذ نص ساعه تقريباً بعدين نفتح القصدير نشيل الأوراق ونحرًك البطاطس .
2- نجهز حشوة الدجاج .. بتاوه ع النار :
أضيف شوي زبدة مع زيت زيتون ثم فصوص ثوم مدقوقه مع فلفل مجروش ثم أضيف قطع الدجاج على نار عاليه عشان تتماسك على طول ماتنزل موية الدجاج بعدين أشيله على جنب وأضيف بنفس التاوه قطع خضروات مقطّعه صغير جداً :
” جزر ، فلفل ملون ” بعدين أرجّع الدجاج وأضيف عليه بيستو الريحان مخلوط مع كريمة طبخ بحيث تكون الحشوة رطبه مو ناشفه 👌🏻. 3- أسلق المكرونة بماء مغلي بدون اضافات أول ماتستوي أرفعها في شبك وأخلط معها صوص روزيه صوص جاهز من ماركة قودي .
4- الحين أجهز الصينية أضيف الدجاج مع البطاطس وأحرّكهم مع بعض بعدين أضيف المكرونه وفوقها أضيف باشميل خفيف يتغلغل فيها بعدين أغطّي الوجه بجبن قشقوان وآخر شيء توست آخذ لي قطعتين توست وأقطعها وأحطها بمحضرة الطعام أفرمها مع شوي زيت زيتون وأرشّها على وجه الصينية بالكامل وأقصدرها مره ثانيه وادخلها الفرن من تحت تتسبَك بعدين أحمرها من فوق وأقدّمها وهي ساخنه 🔥 ** الباشميل الخفيف عباره عن :
كوب ونص ماء + م ك طحين + ملعقتين ك حليب بودره + م ص ثوم بودره . ** التوست أسمر أو أبيض ترشّونه وهو رطب بعدين لمن تحمّرون الصينيه من فوق ينشف رهيبه هالحركه اعتمدوها على وجه الصواني 👌🏻
وتقدرون تضيفون عليه منكّهات :
ايطالية 🍃 أو فلفل .. الخ
