شيش طاووق ✨
المقادير سهلة ومتوفرة وجددداً لذيذ😻😭❤️ ٣ صدور دجاج حجم كبير
نقطعها مكعبات كبيرة
ونسوي صوص التغميس
عبارة عن ٢ زبادي بس حسيته كثير ممكن تكتفون بعلبة وحدة كفاية
وبهارات ملعقتين صغار لكل من :
كمون
كزبرة جافة
فلفل اسود
كركم
بابريكا حلوة
بودرة ثوم
ملح
وملعقة كبيرة زيت زيتون
ملعقة صغيرة كاري و صلصة طماطم
ونخفق الزبادي ونضيف الدجاج ونقلبه مع الصوص ونتركه تقريباً ليلة كاملة او اذا مستعجلين ساعتين او ثلاث
قطعت الخضار :
فلفل رومي
طماطم
بصل احمر
قطعتها مكعبات
وبدأت اعبي اعواد الخشب
بالخضار والدجاج
وعلى الفرن ساعة تقريبا او ٥٠ دقيقة بدرجة ٢٠٠
واذا مستعجلين ممكن تطبخون الدجاج بشواية او مقلاة على النار تاخذ ٢٠ دقيقة تقريباً 🔥
وتقدم مع رز وصلصة طحينة 👌🏻
