أحدث الوصفاتالشوربات

شوربة حَب بالدجاج

32307994 155501898635676 2946468541399826432 n

🌾 شوربة حَب بالدجاج
لاتحرموني من تفاعلكم ولاتنسوني من دعاكم🌷
‏⠀
المقادير :
دجاج بعظم
كوب ونص حب قمح كامل ( هريس )
تقريباً لتر مويه
كوب لبن بدرجة حرارة الغرفه
‏⠀
البهارات الصحيحه :
نص ملعقه صغيره كزبره
نص ملعقه صغيره كمون
ربع ملعقه صغيره فلفل اسود
حبة لومي مدقوق او مقسوم
٣ حبات هيل و٣ قرنفل
ورق غار
خولنجان
شيبه
‏⠀
الطريقه :
نسلق الدجاج بمويه لا بارده ولا حاره وبس يغلي نشيل الزفر ونحط البهارات الصحيحه في شبك او صُره اللي هو قماش او شاش ونربطها ونسقطها في القدر ونملحها ونضيف الحب بعد مانغسله ( استخدمت حب كامل لانو يجي منه حب كامل وحب مجروش وحب القمح يختلف عن حب الجريش ) ونتركه يطبخ على نار هاديه لمدة ساعتين ولو حابين تستخدموا المجروش تقريباً ينطبخ معاكم في ساعه ونص وممكن تنقعوا الحب قبلها بليله راح يستوي معاكم بسرعه او استخدموا قدر الضغط ولو حابين تستخدموا صدور الدجاج بدل العظم اسلقوا الحب اول مع البهارات لمدة ساعه وبعد ساعه ضيفوا الصدور وملاحظه كل نص ساعه حركوه وشوفوا المويه لو قل زيدوا ونفس الشيء الملح واخر ربع ساعه ضيفوا اللبن اذا تحبوها بيضاء او طماطم معصوره اذا تحبوها حمراء وبس جربوها ومتأكده راح تعجبكم لانها جداً لذيذه 👍🏻

 

أفنان الجوهر - Afnan

"ماشاء الله تبارك الله" ربي اخترلي ماتراه خيراً لي ‏⠀ 📍استقبل طلباتكم ؛ جده | 0570352722 ‏⠀ قناتي على اليوتيوب : www.youtube.com/channel/UCm_YUu7Yg2TipyO30_TS8iA
زر الذهاب إلى الأعلى