سلام عليكم 🙋🏻♂️ وكل عام وأنتم بخير 🌙✨
شوربة الحب
انا اسميها شوربة جدتي 👵🏻
او شوربة الطيبين لانها من اقدم وصفات الشوربة قبل شوربة دجاج والكريمة وغيرها 💁🏻♂️🌚✨
.
طبعاً سهله ولذذيذة 👌🏻🍵✨
ملاحظة: هذا المقطع صورته في نص شهر شعبان 🤗 لا احد يجي يتفلسف 🤷🏻♂️🌚
.
الطريقة 💁🏻♂️✨
في قدر ضغط 🍲
شوي زيت
وحبه بصل مقطعة صغير
ونحمس البصل الى ما يصير لونه ذهبي
نضيف له نص كيلو لحم غنم🥩 مقطع صغغغير جداً الأفضل تكون ( موزات) لانها ما تأخذ وقت وتستوي وتصير مثل الزبدة 🥩👌🏻✨
ونقلب اللحم مع البصل
ونضيف لها حبه لومي و ورقتين ورق الغار 🍃
وحبتين طماطم معصوره (مفرومة بالخلاط) 🍅
و كوب قمح منقوع لمدة ساعة في موية حارره 🌾
ونص علبه معجون طماطم 🍅
وموية 💧 و ابازير الشوربة انا استخدمت إسناد لان تيجي معها كيس قماش للبهارات بس ممكن تسوها بنفسكم جيبو شاش طبي (القماش الطبي) وحطو فيه شوي من البهارات التاليه ( كمون و كزبرة وهيل وقرفة وفلفل اسود و قرنفل و شيبة) طبعاً كلها تكون صحيحة مو مطحونة ✨ ونربطها ونحطها في القدر 🍲 ونقفل عليه ونخليه نص ساعة من يبدأ يصفر القدر 🔥
واخر شيء نضيف الملح وفلفل الأسود ✨
وبالعااافية 🤗✨
