( سولتد كراميل براوني بايتس)
المقادير
- ٦٠ غرام زبدة
- كوب حليب مكثف محلى
- نص كوب سكر بني
- ١٥٠ غرام شوكلاته بيضاء مبشوره
- نص ملعقة شاي ملح
- خليط براوني العلالي
- ٥ ملاعق جبن كريمي
- ٥٠٠ غرام شوكلاته اي نوع تفضلون
- كريمة بيضاء من العلالي
طريقة التحضير
نخلط الزبدة والسكر والحليب المكثف وندخلهم الميكرويف ٣ دقايق وبين كل دقيقة ودقيقة نطلعه ونحركه او ممكن بدل الميكرويف نخليهم ع النار لين يغلون ويصير لونه ذهبي بعد كذا نضيف له الشوكلاته البيضاء ونخليه بدون تحريك دقيقتين ثم نحركه ونضيف نص ملعقة شاي ملح عشان يكسر طعم الحلا او ممكن ملعقة قهوة بدل الملح حسب رغبتكم 🙏🏻ونغلفه وندخله الفريزر ٤ ساعات ثم نسوي خليط البراوني زي ماهو مكتوب ع العلبة ونفتته ونخلط معه الجبن ونكوره ونحشيه بالحشوة ونغمسه بالشوكلاته ونزينهم بالكريمة البيضاء وللثلاجه يبرد ويقدم بالعافية 😋🤍
