مساكم الله بالخير اخواني المتابعين طبختنا امس بالبحرين سمك صافي مقلي مع عيش مشخول يعني رز مغسول ومنقوع ومطبوخ ويشخل منه الماء ويرجع بالقدر مره ثانيه وتحته بصل الي اهي الحشو امس كنا بالبحرين وشريت اربع كيلو سمك صافي صيد البحرين وبهرته بالفلفل الاسود والكركم واللومي لسحاري والملح وعليه زيت زيتون مع نص كوب عصير الليمون وبهرت السمك وخليته ربع ساعه يتشرب ثم قليته بالدهن لكل وجه ربع ساعه وطلع ممتاز ثم عملت معاه رز ابيض منقوع ساعه خليت الماء يقلي واضفت ملح وسمن وطبخت الرز فيه عشر دقايق وشخلت الماء واضفت بقاع القدر بصل وحمسته مع كركم وسمن ورجعت الرز مره ثانيه فوقه وخليته ربع ساعه يتسكر وطبخت معاهم دقوس طماط خاثر وقدمته للربع بالبحرين وهذا كان غدانا وعلينا وعليكم بالعافيه اذا عجبكم المقطع لاتنسوني بالايكات والكومنتات الجميله
