مساكم الله بالخير اخواني المتابعين من كل العالم وحياكم الله اليوم طبختنا سهله وسريعه ولكل انواع السمك الي يصلح للشوي سمكتنا اليوم سمكة الحمام وتسمى الكفدار او الصاله اوالصال عند اهلنا بالخليج سمكه جميله تصلح للشوي والمرق والمطبق بس لازم طازجه اول شي فتحتها من الظهر ونظفتها من احشائها وخلطت لها كركم وكزبر وملح وبهرتها وبعدين مسحتها بالتمر الهندي لصبار ومهروس التمر العادي وسويتلها حشو تقليدي من البصل ولشبنت او الشبت والكزبر الأخضر والثوم والفلفل الاخضر وخلطتهم مع عصير الليمون والخل وزيت الزيتون واضفت عليهم بهارات ناعمه من كل شي ملعقه صغيره كزبر كمون وفلفل اسود وملح وخلطتهم وبعدين حمستهم حتى تغير لون الحشو وحشي السمكه وسكرتها وحطيتها بصينية الفرن ودخلتها الفرن على حرارت ١٨٠ الى ٢٠٠ لمدة ٣٥ دقيقه من فوق وتحت وعندما استوت وتحمرت قدمتها مع الرز الأبيض والدقوس وطلعت خوش شويه ممتازه وانصح فيها
