..
–
ساندويتشات كباب بالدجاج 😻👏🏼
نحتاج دجاج مفروم او لحم زي ماتحبو نضيف عليها بصل مفروم ناعم و ٣ فصوص ثوم مفرومه و زنجبيل اخضر مفروم و كزبره مفرومه 🍃..
البهارات : كمون ، كركم ، تشيلي باودر ، ملح وفلفل اسود✨ ربع كوب بقسمات عشان يتماسك ..
نخلط كل المكونات الي ذكرتها مع بعض و نشكلها بالشكل الي المعتاد للكباب 🍢 بس اهم شي إنكم تدخلوها الفريزه اقل شي نص ساعه عشان تتماسك وما تتفكك عليكم وقت الشوي💡
طريقه الشوي : نجيب طاوه الشوي و نسخنها و ندهنها بزيت بعدين نحط أوصال الكباب .. اول ما تحطوها لا تقلبوها على طول عشان لاتتفكك وتخرب عليكم خلوها ٣ دقايق بعدين اقلبوها ع الوجه الثاني وعلى هذا الحال الين تستوي تماماً👌🏻
نجي للسلطه : شرائح بصل و كزبره مفرومه طماطم مقطعه قطع صغيره عصير نص ليمونه و ملح و فلفل اسود ✨
صوص الطحينيه: ٤ ملاعق كبار طحينه سائله نصب عليها ربع كوب مويه و نضيف عليها فص ثوم و نرش عليها ملح وفلفل اسود ✨ لاتنسو تسوو الصوص و السلطه هيا الي تحلي الكباب و وتعطيها نكهه لذيييذه❤️..
نجيب خبز توتيلا أو خبز عربي و ندهنه بالصوص و نضيف السلطه و الكباب و ممكن تضيفو مخلل او شطه حاره😻
ونلف الخبز و نحمرها في الطاوه مره ثانيه و تقدم ساخنه💗
