وصفتنا اليوم رز ودجاج مبخر مررررره لذيييييذه من قلب وسهله وتفك ازمه لو جاكم ضيوف فجأه 😍♥️👏🏼
وتنفع للسحور برمضان 👌🏼
المقادير
- ١-حبه دجاج مقطعه وبالجلد
- ٣-اكواب رز مزه مغسل ومنقوع
- ٢-بصل مقطع شرايح
- ٣-فلفل رومي ألوان او اخضر مقطع شرايح
- ٢-فص ثوم مقطع شرايح
- بهارات صحيحه: (٢-ورق غار١-ليمون اسود٦-هيل٦-قرنفل ٢-قرفه)
- ١-م ص بهارات مطحونه كل من: (كمون،فلفل اسود،بهارات مشكله ،كزبره،بابريكا)
- ملح
- زيت
طريقة التحضير
في قدر ع النار نحط الدجاج ونغطيه بالمويا لما يغلي نطلع الرغوه الزفره منه ونضيف البهارات الصحيحه ونغطيه لما يستوي تقريباً ٢٥ دقيقه ونطلع الدجاج ونشيل الجلد ونصفي المرقه ونضيف الرز على مرقة الدجاج يكون ارتفاع المرقه ٢ سانتي تقريباً ونملح الرز ونضيف شوي زيت ونغطي القدر على نار هادئه لما يستوي نضيف صبغة الرز بس حطو شويه لاتكثرو زي ماسويت انا 😩💔 ونبخر الرز بفحمه وزيت ومستكه .
في صاج ع النار نضيف الصل والثوم والزيت ونقلب لما يذبل البصل نضيف الفلفل الرومي والدجاج ونقلب ونضيف البهارات المطحونة والملح ونقلب على نار متوسطه لما يتحمر الدجاج وتذبل الخضار ونطفي النار ونبخر الدجاج ب فحمه وزيت ومستكه
وفِي صحن التقديم نغرف الرز وفوقه الخضار وفوقه الدجاج ونقدمه وبالعااااافيه ♥️♥️♥️
نقدم معه سلطة لبن ودقوس ومخلل ليمون او فلفل حار مطحون وياسلااااام ع اللذاااذه 😋♥️👏🏼
تقدر تستبدلو الدجاج باللحم 👌🏼
