ديناميت شريمب 🍤✨
حنحتاج روبيان حجم كبير “جامبو”
نتبل الروبيان ب ملح و فلفل اسود و بابريكا و صويا صوص”معتدله” و فص ثوم مفروم و عصير ليمون ..نخلطهم مع بعض و ندخلها الثلاجه ساعه ..
نجهز مكس التغطيه : كاسه دقيق و نص كاسه نشاء و ملعقه بيكربونات الصوديوم و رشه بابريكا و فلفل اسود و ملح ..
نكسر بيضتين و نصب عليها شويه حليب و رشه ملح وفلفل اسود ..
⚠️ركزو في طريقه التغطيه ⚠️: اول شي نغمس الروبيان في البيض بعدين في الدقيق و ترجعو تاني للبيض و اخر شي في الدقيق ، بعدين نقليه في زيت غزير و تأكدو في البدايه انو الزيت حااار مرره 🔥 وبعد ما تدخلو الروبيان خفضو النار عشان يستوي الروبيان من جوا تمام ، ⛔️اذا كانت النار عاليه مرره بينحرق الروبيان من برا و من جوا لسا نييء ومو مستوي ⛔️.. ….
نجي لصوص الديناميت :ملعقين مايونيز ، كاتشاب ، شطه حاره ، صوص سويت آند سور ، متبل فرنسي ، صلصله الباربيكيو و ملعقه عسل 🍯، نخلط الصوص كويس و نصبو ع الروبيان المقلي 🍤🔥
و طريقه التقديم زي منتو شايفين في كاسات مع خس امريكي و رشه بصل اخضر🍃..
وبالعافيه عليكم مقدماً💋❤️
#ديناميت_شروق🍤🔥
