دبس التمر
وهذا دبس التمر رجعت سويته معاكم مرة ثانية لكم تستاهلون كل خير 😍
كيلوين التمر تشيلون النواة عنهم .
انا خليته بالشمس ثلاث ايام قلت يمكن يذوب لكن لازم الكمية اكبر .
المهم :
حطيته بجدر وتقريبا لتر ونص ماي لين ذاب التمر صفيته بغترة بوسالم 😂
بعدها على نار هادية تقريبا اخذ معاي ساعة ونص لين تتبخر كل السوائل .
ديرو بالكم النار لازم هادية علشان ما يحترق ويصير فيه مرورة.
وبعد ما يبرد بالغرشة وبالثلاجةبصراحة على طول اسوي روعه واحلى من شغل برا .
باقي التمر صفيته بصواني لين يجف بعدها اطحنه بالمكينة واصفيه يصير سكر طبيعي .
جربو طريقتي روعه جداااا وبالعافية.
