خدود الرانش
الطبق الي احترت في تسميته سميناه
خدود الرانش 😌😋 يستاهل التسمية
رغم ان الاغلب كتب الخدود الملغمة
وجزء قنبلة 💣 وجزء اكواب الدجاج
الطريقة :
اقطع نص كيلو صدور دجاج
اضيف المقادير التالية :
- ملعقتين كبار معجون طماطم
- ٣ ملاعق كبيرة كاتشب
- ملعقتين كبار خردل
اضيف البهارات التالية :
- م ص ماجي
- نص م ص كمون
- م ص بودرة بصل
- م ص كزبرة
- م ص بابريكا
- م ص ثوم بودرة
- نص م ص فلفل احمر > الي مايحب الحار يلغيها او يقللها
- ملح حسب الرغبة
اخلطهم مع بعض بعدها اسخن زيت في المقلاة واضيف
حبة بصل مقطعة مكعبات صغيرة بعد مايشقر البصل
اضيف الدجاج واقلب فيه لين ينضج اقفل عليه النار
احفر خبز البريوش او اي روتي متاح عندكم
احشيه بحشوة الدجاج واضيف عليه الصلصة عبارة عن
كمية متساوية من صلصة الرانش والمايونيز
اخر شي جبن موزاريلا وتدخل الفرن
اعلى حرارة من فوق للتحمير دقايق وتجهز وبالعافية
اذا كانوا العايلة يحبون الاكل التقليدي احشي اي صمون او ساندوتش بالحشوة فقط مع خس ومايونيز
سبق نزلتها بدون اي اضافات الحشوة لذيذة لحالها 😋
