طبعا هو حلا تركي طعمه تقريبا مكس بين البسبوسه والغريبه وقوامها يكون هشش مره ويتفتت يعني اذا اكلتيها تذوب في فمك 👌🏻 وطعمها لذذذذيييذ واشربي معها قهوه عربيه وي سلااام 😴
( عيون المها )
المقادير
- إصبع وربع زبده بحرارة الغرفه
- نص كوب سكر بودره
- ربع كوب سميد ناعم ( ضروري يكون ناعم )
- بيضه
- بياض بيضه ( والصفار نخليها لبعدين ندهن فيها الوجه )
- ملعقه صغيره فانيلا بودره ( افضل ماركه عندي كلاركس👌🏻)
- ملعقتين صغار بيكنج بودر
- ملعقة كبيره جوز الهند ( اختياري ممكن اكثر او اقل وممكن بدونه )
- كوبين طحين
- مكونات الشيره :* كوب سكر كوب ونص ماء * ملعقه كبيره عصير ليمون
طريقة التحضير
نسوي الشيره اول نحرك المكونات ع النار لما تذوب ثم نتركها لما تغلي وخلاص بعد كذا في الخلاط نخلط الزبده والسكر والبيض والفانيليا والسميد وجوز الهند ثم نضيف الطحين والبيكنج بودر ونعجن بعد كذا نشكل العجينه على شكل عيون المها واحرصوا انكم تشكلونها نحيفه لانها بعدين بتنفش ثم نصفها بصينية فرن مدهونه بزيت وندهن الوجه بصفار البيض وندخلها فرن ساخن قبل ب 10 دقايق على درجة حراره 160 تتحمر شوي من تحت ثم من فوق ولاتخلونها تطول واجد عشان تبقى هشه وطريه وماتنشف وأول مانطلعها من الفرن نسقيها بالشيره ثم نقلب الحبات عشان تتشرب من الجهتين ونخليها مدة ساعه عشان تتشرب كويس وتلين واذا جينا نقدمها نزينها بالمكسرات وبالعافيه 💕
