اولا:
شي الفرزنة نسويها لاختصار الوقت اذا كانت ربة المنزل عاملة او في الشهر الفضيل لاختصار الوقت شي طبيعي الطازج احلى لكن نحتاج الوقت لذلك نفرزن فرجاءا الي ماتبي تفرزن تسويها طازجة بدون تعليقات مالها داعي
ثانيا :
الرز مايتكسر اذا لفيتي ورق العنب وفرزنتيه طلعيه وصفيه على طول لاتخلينه يفك وفي انواع تتكسر من الرز انا استخدم سنو وايت وكنت افرزن والامور طيبة
الحشوة هذي لذيذة جدا جدا جدا اعتمدوها واذا حبيتي بعدين تضيفين لها لحم مفروم لما تغك من الثلج ضيفي
المقادير
- ٣ ك رز مصري مغسول فقط
- حبتين بصل
- حبتين طماطم
- شزة بقدونس
- اقل من شدة كزبرة
- قبضة نعناع
- شبت ( اختياري ماحطيت)
- عصير ليمونتين
- ربع ك زيت زيتون
- نص حبة فلفل بارد او حبة حسب الرغبة
- ٢ م ك معجون طماطم
- كوب ماء
- دبس رمان لمن يرغب ( ماحطيت ماحبه مع المحاشي بس مع ورق العنب😁)
- ٢ م ص بهار المحاشي من توليفة
- ٢ م ص ملح
- م ك بديل الماجي الابيض من توليفة
- نص م ص صرار حايل وممكن اكثر
- م ك نعناع مجفف
- نص م ص فلفل اسود
ملاحظة
اذا بتفرزنين الافضل يطبخ شوي
اذا يستخدم على طول لك الحرية في نفس الطريقة او مجرد خلط المكونات بدون طبخ
الي تبي تطلب بهاراتنا موجود الموقع الالكتروني في الهايلايت فوق
